"Azərenerji"də maaşların gecikməsi "Azərişıq"dan asılıdır". Cebhe.info xəbər verir ki, bunu energetika naziri Natiq Əliyev "Azərenerji" ASC-də əmək haqlarının gecikdirilməsi ilə bağlı məlumatlara münasibət bildirərkən deyib.
"Bu proses yığımlardan asılıdır ki, buna da "Azərişıq" nəzarət edir: "Azərenerji"nin fəaliyyəti elektrik enerjisinin istehlakından əldə olunan vəsaitlərdən asılıdır. Elektrik enerjinin vəsaitləri vaxtlı-vaxtında gəlmir. O yığımlar asılıdır “Azərişıq”dan. Yəni, “Azərişıq” elektrik enerjisinin pulunu yığır və daha sonra “Azərenerji”yə köçürür. “Azərenerji” isə bu vəsaitləri istifadə edir işçilərin maaşına, nəqliyyat və digər xərclərə. Bu, zəncirvari prosesdir. Əgər “Azərişıq” vaxtlı-vaxtında, tam şəkildə “Azərenerji”yə pulu verirsə, burada heç bir problem olmur",- deyə nazir vurğulayıb.
