Natiq Miri: “Əgər barışdırıcı siyasət yürüdülməsə, 2019-cı ildə onun yenidən prezident seçilməsi mümkün olmayacaq” Türkiyədə keçirilən referendumda çıxan nəticə ciddi kataklizmlərin əsasını qoya bilər. Məsələ burasındadır ki, “evet”çilər cüzi üstünlükə qalib gəliblər. Yeni dəyişikliyə “yox” deyənlərin də səsi az deyil. Türk siyasi şərhçiləri hesab edirlər ki, dəyişikliklərə yox deyənlərin toplumun təqribən yarısını əhatə etməsi Ərdoğan iqtidarı üçün çətin dönəmin başlandığını göstərir. Ancaq hər bir halda Ədalət və İnkişaf Partiyası (AKP) dəyişiklərə nail oldu və artıq Türkiyə prezident üsul-idarəsinə keçid etdi. Təbii ki, bu məsələdə Milliyyətçi Hərəkat Partiyasının (MHP) da müəyyən qədər rolu var. Ancaq siyasi şərhçilər hesab edirdər ki, bu səsvermədə uduzan tərəf də məhz MHP oldu. Ümumiyyətlə, Türkiyənin siyasi səhnəsində ciddi proseslər gedir və yeni üsulun tətbiqi müəyyən qədər çətin olacaq. Ən azından ikin görüntü bunu deməyə imkan verir. Ekspertlər hesab edirlər ki, Ərdoğan islahatları davam etdirmək üçün “yox” deyənləri öz tərəfinə çəkməlidir. Politoloq Natiq Miri “Cümhuriyət” qəzetinə şərhində deyib ki, referendumun nəticələri Ərdoğan hakimiyyəti üçün məcburi vəziyyət yaradıb: “Yox”çuların böyük əksəriyyəti İran, İraq və Suriya ilə həmsərhəd olan kürdlərin yaşadığı əyalətlərdədir. Bu da onu göstərir ki, “yox”çular Türkiyəyə qarşı olan güc mərkəzlərinin təzyiq vasitəsinə çevrilə bilərlər. Bununla da Türkiyənin təhlükəsizliyinə müəyyən qədər təhdid yarada bilərlər. Ona görə də Ərdoğan barışdırıcı siyasət aparmalıdır. Türkiyə toplumu mütləq mənada birləşməlidir. Əgər Türkiyə hakimiyyəti daxildə güclü olarsa, xaricdə də güclü olacaq”. Səs faizlərinin gözləniləndən az olmasına toxunan politoloq hesab edir ki, AKP-nin referendumda MHP ilə birgə çox aşağı səs alması CHP-nin güclənəcəyi anlamına gəlmir: “Referendum digər seçkilərdən tamamilə fərqlənir. Toplum birdən-birə uzun illər davam edən siyasi sistemi dəyişməkdə tərəddüd etdi. “Yox”çuların təbliğat kampaniyası effektli oldu. İndidən 2019-cı ilə yönəlik hansısa fərziyyələr irəli sürmək doğru deyil. Növbəti seçkilərin nəticələri Ərdoğanın bu müddət ərzində yürütdüyü siyasətdən asılı olacaq. Əgər barışdırıcı siyasət yürüdülməsə, 2019-cı ildə Ərdoğanın yenidən prezident seçilməsi mümkün olmayacaq”. Vilayət Muxtar
- Ana səhifə
- Dünya
- Ərdoğanın prezidentliyinə təhlükə
Ərdoğanın prezidentliyinə təhlükə
Bu bölmədən digər xəbərlər
- Tanınmış astroloq: "2021-ci ildə müharibə və devalvasiya olacağı…” Tarix 24 Dekabr, 04:21
- Dünya düzəni dəyişir: Yeni xəritələr yaranacaq? Tarix 26 Noyabr, 08:05
- Qlobal güclərin 2023 planı: Dünyanın siyasi xəritəsi dəyişəcək? Tarix 3 Sentyabr, 14:52
- Tarixi dönüş: "Rus NATO-su"na təhlükə: Qurumun taleyi Minskdə həll olunur Tarix 22 Avqust, 18:36
- Tehran üçün sürpriz: İran "qara zolaq”dan çıxır? Tarix 22 Avqust, 18:35
- CHP "incə-incə" parçalanır? Tarix 11 Avqust, 21:48
- Virusdan asılı seçki: Trampı ancaq peyvənd xilas edə bilər Tarix 6 Avqust, 15:44
- Terror siyasəti: İran "əkdiyini biçir” Tarix 28 İyul, 00:13
- Böyük ticarət savaşı: Virus kimi qalib edəcək? Tarix 18 İyul, 21:51
- Neft Fondunun aktivləri azalır: Büdcə necə formalaşacaq? Tarix 12 İyul, 23:12
Seçilmiş xəbərlər
-
Peşə təhsilinin qadınlar və qızlar arasında populyarlaşdırılması və təbliğinə dair maarifləndirmə tədbirləri - FOTOLAR
-
"44 Günün Yaddaşı” layihəsinə yekun vuruldu
-
"44 Günün Yaddaşı” layihəsinə icra olunur
-
Türkiyənin tanınmış konfederasiya başqanı Azərbaycana gəlir
-
Qarabağın bərpasında iştirak etmək istəyən federasiyalar: Hakan Aktürkü başqan seçdi