Yuxarı

FED növbəti “hücuma” hazırlaşır

FED növbəti “hücuma” hazırlaşır

Manat ucuzlaşmaqda davam edəcəkFikrət Yusifov: “Qeyri-neft sektorunun sürətli inkişafını hədəfləyən islahatlarla vəziyyəti stabilləşdirə bilərik”ABŞ Mərkəzi Bankı-FES sədri Janet Yellen, çərşənbə axşamı günü etdiyi şərhdə Federal Açıq Bazar Komitəsinin faizi artırmaq üçün uzunmüddət gözləməsini “məntiqsiz” bir hərəkət olacağını bildirib. O, FES-in növbəti yığıncaqlarında daha çox faiz artırmasının məqsədəuyğun olacağını müdafiə edib. Janet Yellen, iqtisadiyyatın FES-in hədəflərinə istiqamətdə irəliləməsinin davam etdiyini qeyd edib və inflyasiya hədəfinin 2 faiz səviyyəsinə yaxşınlaşdığını deyib.ABŞ Mərkəzi Bankının sədri maaşların artdığını və məşğulluq bazarının böyük miqyasda irəliləyiş qeyd etdiyini ifadə edərək, işsizlik nisbətinin təxminlərə paralel olduğunu söyləyib. FES sədri, maliyyə siyasətində (vergi güzəştləri və infrastruktur xərclərinin artırılması) ola biləcəyini və dəyişikliklərin iqtisadi inkişafa təsir edə biləcəyini qeyd edib. Yellenin çıxışından sonra Dollar dünyanın mühüm valyutaları qarşısında bahalaşıb. Avro/Dollar məzənnəsi 1.0576 səviyyəsinə düşüb.Dolların uçot dərəcəsinin qaldırılması, Azərbaycanın manatınındaha da dəyərdən düşməsinə təkan verəcəkmi? Dolların məzənnəsinin kəskin möhkəmlənməsi iqtisadi baxımdan Amerikanın maraqlarına uyğundurmu?“Ekonomiks” Beynəlxalq İqtisadi Araşdırmalar Birliyinin sədri, iqtisad elmləri doktoru, professor Fikrət Yusifov “Cümhuriyət” qəzetinə bildirib ki,ABŞ Mərkəzi Bankının rəhbəri Janet Yellenin son çıxışı zamanı uçot dərəcəsinin qaldırılması ilə bağlı söylədiyi fikirlər yeni deyil:“Əvvəlki bəyanatları zamanı da o, buna bənzər fikirlər söyləmişdi. Amerika Birləşmiş Ştatları iqtisadiyyatının əsas makroiqtisadi göstəricilərinin getdikcə yaxşılaşdığı bir dönəmdə bahalı dollar siyasətinin yeridilməsi Federal Açıq Bazar Komitəsinin tələblərinə uyğun addımdır.Federal Ehtiyatlar Sistemi ötən ilin dekabr ayının 14-də uçot dərəcəsini 0,25 faiz qaldırmaqla bağlı qərar qəbul etdi. Həmin toplantıda eyni zamanda 2017-ci il ərzində uçot dərəcəsini yenidən 3 dəfə qaldırmaqla bağlı qərar qəbul olundu. Beləliklə, cari ildə uçot dərəcəsinin əlavə olaraq 0,75 faiz artacağı və onun bugünkü 0,75 faiz səviyyəsindən 1,5 faizə yüksələcəyi gözlənilir. Bahalı dollar siyasəti ABŞ iqtisadiyyatına əlavə kapital axınını təmin edə biləcək ən yaxşı vasitələrdən biridir. Dünyanın ən dayanıqlı valyutası olan dolların bahalanması onun cəlbericiliyini daha da artırır. Elə bu səbəbdən də imkanlı investorlar ABŞ-n daşınmaz əmlak bazarına və qiymətli kağızlar bazarına daha çox kapital yatırtmaqda maraqlı olurlar”. Ekspert onu da qeyd edib ki, ABŞ Federal Ehtiyatlar Sisteminin 2017-ci ildən sonra da dolların möhkəmləndirilməsi ilə bağlı addımlar atacağı proqnozlaşdırılır: “Bütün başqa valyutalar üçün etalon rolunu oynayan dolların bahalanması, dünya maliyyə bazarlarında gedən proseslərə öz təsirini göstərəcək və bu fonda digər ölkələrin milli valyutalarının müəyyən qədər yumşalması baş verəcək. Azərbaycan manatına da bu dəyişikliklərin müəyyən təsiri qaçılmaz olacaq. Ancaq yaxın illər ərzində qeyri-neft sektorunun sürətli inkişafını hədəfləyən islahatlarla biz bu vəziyyəti maksimum stabilləşdirə bilmək imkanları əldə edəcəyik”.Yeganə Oqtayqızı





Həftənin ən çox oxunanları