Vətəndaşlara
daha operativ xidmətin həyata keçirilməsini təmin etmək üçün ölkədə bir neçə
ildir ki, ciddi işlər aparılır. "Asan
xidmət” və Dost Agentliyi kimi qurumların
yaradılması da məhz bu sahəyə ayırılan
diqqətin göstəricisidir. Cebhe.info bildirir ki, ilk
"ASAN xidmət" mərkəzi 2013-cü ildə fəaliyyətə başlayıb. Belə ki,
Azərbaycan Respublikası Prezidenti İlham Əliyevin
2012-ci il 13 iyulda imzaladığı 685 saylı fərmana
əsasən, "ASAN xidmət" mərkəzlərinin də strukturuna daxil olduğu Azərbaycan Respublikasının
Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi yaradılıb. 5 sentyabrda isə Prezidentin digər fərmanı ilə Agentliyin strukturu və əsasnaməsi təsdiq olunub.
Bundan sonra fəaliyyət prosesi başlayıb.
O,
"vahid məkan" prinsipi əsasında fəaliyyət
göstərir. Bildirək ki, hazırda 15 mərkəz
mövcuddur. Onlardan 5-i Bakıda, 10-u isə
bölgələrdədir. Hər mərkəzdə təxminən 100-ə yaxın
könüllü çalışır. "ASAN xidmət" mərkəzlərində vətəndaşlara
xidmət mərkəzlərin ilk mərtəbəsində yerləşən məlumat bölməsindən başlayır.
Qeydiyyat
prosesi avtomatlaşdırılıb və xüsusi aparatlarla həyata keçirilir. Bu işdə
vətəndaşlara könüllülər kömək edir. Mərkəzlərə gələ bilməyən vətəndaşlara
xidmət göstərmək üçün səyyar avtobuslardan istifadə olunur. Qurumun tərkibində
funksional yardımçı xidmətlər kimi,
bank, sığorta, hüquqi yardım, tibb, tərcümə,
foto, mədəniyyət tədbirlərinə bilet satışı
xidmətləri fəaliyyət göstərir. Diqqətə çatdıraq ki, "ASAN xidmət” mərkəzlərində 12 dövlət qurumu və
özəl müəssisələr tərəfindən birgə 300-dən çox müxtəlif xidmətlər həyata
keçirilir:
Dayanıqlı və Operativ Sosial Təminat Agentliyi (DOST Agentliyi) isə
Prezident İlham Əliyevin 9 avqust 2018-ci il tarixli Fərmanı ilə Əmək və Əhalinin Sosial Müdafiəsi Nazirliyinin
tabeliyində yaradılıb. Agentliyin tərkibində 1
DOST mərkəzi fəaliyyət göstərir. İlk DOST mərkəzi
2019-cu ildə fəaliyyətə başlayıb. Hazırda agentliyin tərkibində 96 nəfər sosial
agent, "Gənc DOST” proqramı üzrə isə 50
könüllü vətəndaşların xidmətində durur. Bu günədək 50 min müraciət daxil olub.
Orada işinin təşkili 12 departamentdə aparılır və
vətəndaşlara 130-dan çox xidmət göstərilir.
Agentliyin
aparatında isə DOST Xidmətləri departamenti 142
Çağrı Mərkəzi, Maliyyə və müqavilələr,
Hüquq , Vətəndaş müraciətləri və sənədlərlə iş , Satınalmalar və təminat,
Risklərin idarə edilməsi və daxili nəzarət, İnformasiya
texnologiyaları, Strateji planlaşdırma və
innovasiyalar, İnsan resurslarının idarə
edilməsi və təlim, Təhlil və statistika, İctimaiyyətlə
əlaqələr və kommunikasiyalar, Övladlığagötürmə
və valideyn himayəsindən məhrum olmuş uşaqlarla iş departamenti kimi 13 daxili
struktur bölməsi mövcuddur.
Səyad
Həsənli