Bakı Apellyasiya Məhkəməsində Əli Kərimlinin ötən ilin sentyabrında keçirdiyi “qurultayının” nəticələrinin tanınmaması ilə bağlı məhkəmə qərarından verdikləri apellyasiya şikayəti üzrə məhkəmə prosesi keçirilib.
Cebhe.info xəbər verir ki, məhkəmə şikayəti təmin etməyib.
Qeyd edək ki, 2015-ci il sentyabrın 27-də AXCP adına iddia edərək keçirdiyi “qurultay”ın nəticələrinin dövlət reyestrinə daxil edilməsi üçün sənədlər Ədliyyə Nazirliyinə təqdim olunsa da, nazirlik məhkəməyə müraciət etməyi tövsiyə edib.
1 saylı Bakı İnzibati-İqtisadi Məhkəməsi iddianın mümkün sayılmaması barədə qərardad çıxarıb. Əli Kərimli həmin qərardaddan apellyasiya şikayəti verib və növbəti instansiyada da şikayət təmin edilməyib.
