Taliyət Əliyev: “Ölkə yeni Konstitusiya ilə idarə olunmalıdır” Referendumdan sonra növbədənkənar seçkilərin keçiriləcəyi gözlənilir. Bəzi məlumatlara görə, ilin sonuna qədər prezident seçkiləri keçiriləcək, parlament buraxılacaq, gələn il isə Milli Məclisə seçkilər olacaq. Amma hələ ki seçki ilə bağlı rəsmi qərar yoxdur. Bəs hazırkı qanunlar ilin sonuna qədər seçkilərin keçirilməsinə icazə verirmi? Bununla bağlı “Cümhuriyət” qəzetinə açıqlama verən Azərbaycan Demokrat Partiyası (ADP) sədrinin müavini, Mərkəzi Seçki Komissiyasının (MSK) keçmiş üzvü Taliyət Əliyev növbədənkənar seçkilərin keçirilməsinin zəruri olduğunu deyib. Onun sözlərinə görə, referendumdan sonra hüquq və məntiq baxımından da növbədənkənar seçkilər keçirilməlidir: “Ümumiyyətlə ölkədə keçirilən referendumun nəticələri təsdiq olunduqdan sonra məntiqlə və hüquqi baxımdan da ölkə yeni konstitusiya ilə idarə olunmalıdır. Amma bizdə ölkə qanunlarla ya da məntiqlə idarə olunmur ki. Azərbaycan hökuməti bunu öz bildiyi kimi edə də bilər. İstəsə keçirər, istəməsə keçirməz. Referendum da bu cür şərtlərlə keçirildi və nə ölkə ictimaiyyətinin, nə də beynəlxalq aləmin rəyi nəzərə alınmadı. Bu baxımdan da hökumət hər an deyə bilər ki, 2 aydan sonra ölkədə prezident və yaxud da parlament seçkiləri keçiriləcək. Ən azından bu hakimiyyətin fəaliyyətinə baxsaq, nəzəri baxımdan bunu gözləyə bilərik”. “Dekarbın əvvəllərinə təsadüf edəcək” Taliyət Əliyev əlavə edib ki, bir neçə günə seçki elan olunarsa seçkilərin keçirilməsi dekabr ayının əvvəllərinə düşəcək. Onun sözlərinə görə, qanunvericiliyə görə seçkilər ən az 60 gün əvvəl elan olunmalıdır: “Yeni konstitusyaya görə prezident 7 il müddətinə seçilməlidir, vitse-prezidentlər, səlahiyyətləri müəyyən olunmalıdır. Bizim seçki məcəlləmizə görə seçkilər ən az 60 gün əvvəlcədən müəyyən olunmalıdır. Ona görə də, bu günlərdə seçkilər elan olunarsa, bu, dekabr ayının əvvəllərinə təsadüf edəcək. Parlament seçkiləri də həmçinin eyni vaxta düşür. Bu baxımdan da bu ilin sonuna qədər növbədənkənar seçkilərin keçirilməsi mümkün haldır”. Vilayət Muxtar
- Ana səhifə
- Siyasət
- Erkən seçkilər reallaşır?
Erkən seçkilər reallaşır?
Bu bölmədən digər xəbərlər
- Paşinyan üçün "Qordi düyünü”: Asi generalları necə uzaqlaşdıracaq? Tarix 27 Fevral, 17:19
- Paşinyan "dalana dirənir": "Varis planı” gündəmə gəlir? Tarix 25 Fevral, 17:17
- Azərbaycanlıların üzünə 32 il bağlı qalan post: Bu seçki nəyi dəyişəcək? Tarix 23 Fevral, 17:15
- Azərbaycanı geriyə çəkən məmurlar: Ölkə bu vəziyyətdən necə çıxacaq? Tarix 18 Fevral, 17:12
- Putin ordunu generallardan "təmizləyir”: Varis planına hazırlıq, yoxsa? Tarix 18 Fevral, 17:11
- Supergüclərin Qafqaz savaşı: Bir planın üç məqsədi və ya qarşıdurma Azərbaycana nə vəd edir? Tarix 16 Fevral, 16:50
- İran yenə qarışacaq: Ölkəni naməlum gələcək gözləyir Tarix 11 Fevral, 16:48
- Güney Azərbaycan dünyanın diqqət mərkəzinə gəlir: "Bu, İranın yaralı yeridir, istənilən vaxt...” Tarix 9 Fevral, 16:36
- Rusiyaya qarşı demarş: Növbədə Putinin sevimlisi "Vaqner” var? Tarix 6 Fevral, 16:35
- İran açıq hədəfə çıxır: "Hərbi əməliyyatlar qaçılmaz olacaq” Tarix 4 Fevral, 16:33
Seçilmiş xəbərlər
-
Peşə təhsilinin qadınlar və qızlar arasında populyarlaşdırılması və təbliğinə dair maarifləndirmə tədbirləri - FOTOLAR
-
"44 Günün Yaddaşı” layihəsinə yekun vuruldu
-
"44 Günün Yaddaşı” layihəsinə icra olunur
-
Türkiyənin tanınmış konfederasiya başqanı Azərbaycana gəlir
-
Qarabağın bərpasında iştirak etmək istəyən federasiyalar: Hakan Aktürkü başqan seçdi