2020-ci ilin 9 fevralında Milli Məclisə növbədənkənar parlament seçkiləri keçiriləcək.
Cebhe.info xəbər verir ki, növbədənkənar seçkilərdə iştirak edəcək siyasi
partiyalardan bir çoxu artıq bununla bağlı qərarını
açıqlayıb. Seçkilərə
getməyən və hələlik mövqeyini açıqlamayan siyasi təşkilatlar da var. İlk olaraq seçkilərdə iştirak etməyəcəyini
Əli Kərimlinin rəhbərlik etdiyi "Yurd” və Milli Şura açıqlayıb.
Milli Şura dekabrın 9-da keçirdiyi toplantısında gələn
il keçirilməsi nəzərdə tutulan növbədənkənar parlament seçkilərini boykot haqqında qərar qəbul edib.
Azad Demokratlar Partiyası da növbədənkənar seçkilərdə iştirak etməcək.
Elçibəy hakimiyyəti dövründə milli təhlükəsizlik nazirinin birinci müavini vəzifəsini
tutmuş, tanınmış analitik Sülhəddin Əkbərin rəhbərlik etdiyi Azad Demokratlar
Partiyasının Ali
Məclisinin şənbə günü
keçirilən toplantısında
seçkidə iştirak etməmək
haqda qərar qəbul edilib.
Azərbaycan Xalq Partiyasının (AXP) sədri, keçmiş Baş nazir Pənah Hüseyn
2020-ci il fevralın
9-da keçiriləcək növbədənkənar
parlament seçkilərində iştirak etməyəcək. P.Hüseyn bununla bağlı özü açıqlama verib və qərarının qəti olduğunu bildirib.
Vətəndaş və İnkişaf Partiyası (VİP) hələ də yekun qərara gəlməyən siyasi təşkilatlardandır.
Partiya sədri Əli Əliyev ötən həftə verdiyi açıqlamada yekun qərarın 15 dekabrda veriləcəyini bildirmişdi. Amma Partiyanın İcra Aparatının rəhbəri
Ramil Hüseynov Cebhe.info-ya açıqlamasında 15 dekabrda baş tutan iclasda qərar qəbul edilmədiyini, növbəti
iclasın 21
dekabra təyin
edildiyini deyib.
Aydınlar Partiyası da hələlik müzakirə porsesindədir. Partiyanın sədri Qulamhüseyn Əlibəyli hazırda partiyanın seçkilərdə iştirak edib-etməyəcəyini
müzakirə etdiklərini deyib.
Klassik Xalq Cəbhəsi Partiyası (KXCP) da seçkilərə getməməklə bağlı qərar verib. KXCP bu haqda 15
dekabrda Ali Məclisinin iclasında qərar
qəbul edib. Ali Məclis 9 fevralda keçiriləcək növbədənkənar parlament seçkilərində
iştirakı məqsədəuyğun
hesab etməyib.
Vilayət Muxtar