Natiq Miri: “Sarkisyan özünərəqib ola biləcək bəzi qarabağlıları zərərsizləşdirdi” Kollektiv Təhlükəsizlik Müqaviləsi Təşkilatının Təhlükəzlik Şurasının İrəvanda keçirilən iclasında təşkilatın yeni baş katibinin adı açıqlanıb. KTMT-nin yeni baş katibi vəzifəsinə Ermənistanın sabiq baş qərargah rəisi Yuri Xaçaturov seçilib. O, rotasiya qaydasında Nikolay Bordyujanı əvəz edib. Onu da qeyd edək ki, Y.Xaçaturov baş qərargah rəisi vəzifəsindən azad edildikdən sonra Ermənistan Milli Təhlükəsizlik Şurasının katibi təyin edilmişdi. Yuri Xaçaturov aprel ayında baş vermiş “4 günlük” müharibə zamanı məğlub duruma düşdüyünə görə, bacarıqsız kadr kimi ad çıxartmışdı. Hətta onun vəzifədən çıxarılacağı gözlənilsə də bu qərar müvəqqəti olaraq təxirə salındı. Görünür, prezident Sarkisyan Xaçaturova yeni vəzifələr həvalə etməklə onu baş qərərgah rəisliyindən sakitcə uzaqlaşdıra bilib. Son günlərə qədər KTMT-nin baş katibinin Ermənistanın müdafiə naziri Seyran Ohanyan olacağına dair xəbərlər üstünlük təşkil edirdi. Bu baxımdan, Yuri Xaçaturovun seçilməsi gözlənilməz olub. Seyran Ohanyanın Ermənistanın hökumətinin yeni tərkibindən və baş katib postundan kənarda qalmasını keçmiş müdafiə nazirinin siyasi karyerasının bitməsi rəyi yaradır. Ermənistan hakimiyyətində Qarabağ klanının əsas liderlərindən biri hesab olunan S.Ohanyanın hakim elitadan xaric olunması müşahidə olunur. Təbii ki, bu proses klandaxili münasibətlərə öz təsirini göstərəcək. Bu baxımdan, başlıca sual Ermənistandakı qarabağlı qruplaşmanın liderliyinə S.Ohanyanın iddialı olub-olmaması ilə bağlıdır. Hadisələrin gedişi prezident Serj Sarkisyanın öz mövqeyini əldən vermək istəmədiyini, 2017-ci ildə keçiriləcək parlament seçkilərindən sonra baş nazir postunu tutmaqla hakimiyyətə nəzarəti əldə saxlamağa çalışdığını göstərir. Serj Sarkisyanın səlahiyyət müddəti 2018-ci ildə başa çatsa da dövlət başçısı Ermənistanda parlamentar sistem üzrə ilk dəfə keçiriləcək seçkilərdə Respublika Partiyasının qələbəsinə ümid edir. Ancaq son dövrlər Ermənistanda Qarabağ klanından narazılıq daha da artıb. Ona görə də seçkilərdə bu qüvvənin tam qələbə çala biləcəyini söyləmək çətindir. Hazırda bu klanın liderliyinə yeni şəxslərin gətirilməsi müşahidə olunur ki, bu da böyük ehtimalla mövcud etirazları səngitməyə xidmət edir. Əsgəran rayonunda anadan olmuş Karen Karapetyanın baş nazir postuna gətirilməsi Ermənistanın rəhbərliyində Qarabağ ermənilərinin mövqeyini saxlamağa xidmət edir. Eyni zamanda, Seyran Ohanyanın da klan rəhbərliyinə iddiasını ortaya qoyacağı istisna edilmir. Bu baxımdan, prezidentin S.Ohanyanı elitadan kənarlaşdırması parlament seçkilərində siyasi qüvvələr nisbəti arasındakı balansı saxlamaq cəhdi kimi də başa düşülə bilər. Politoloq Natiq Miri hesab edir ki, S.Ohanyan KTMT-nin baş katibi postundan özü imtina edib. Bu da onun siyasi iddiaları ilə bağlıdır: “Ohanyan hələ vəzifədən azad olunmadan öncə bəyan etmişdi ki, əgər ona Kollektiv Təhlükəsizlik Müqaviləsi Təşkilatının baş katibi vəzifəsi həvalə olunarsa, bundan imtina edəcək. Çünki onun bu vəzifədə işləmək istəyi və həvəsi yoxdur. Ona görə də düşünürəm ki, Ohanyanın baş katibliyə namizədliyini irəli sürməməsi onun siyasi maraqları ilə bağlıdır. Bəzi informasiyalara görə, Prezident Adminstrasiyası rəhbərinin müavini Dallakyan da bu yaxınlarda istefa verdi. Dallakyanla Ohanyanın birlikdə yaxın zamanlarda siyasi partiya yaradacağı deyilir. Bu proses həmin partiyanın növbəti parlament seçkilərində iştiraka hazırlıq kimi dəyərləndirildi. Bu baxımdan, Ohanyan Kollektiv Təhlükəsizlik Müqaviləsi Təşkilatına baş katib seçilsəydi, təbii ki, Ermənistanda siyasi fəaliyyətlə məşğul olmayacaqdı. Bu, ona məhdudiyyətlər yaradacaqdı. Onun konkret siyasi iddiaları olduğu üçün bu vəzifədən açıq imtina edib. Ohanyan belə bir bəyanat verəndə hələ müdafiə naziri idi, çıxarılmamışdı. Eyni zamanda, yeni hökuməti formalaşdırmaqla Serj Sarkisyan gələcəkdə özünə siyasi rəqib ola biləcək bəzi qarabağlıları zərərsizləşdirdi. Ona görə də Seyran Ohanyan həm Qarabağ klanında, həm də güc orqanlarında olan tərəfdarlarını toplamaqla yenidən siyasi revanş götürməyə çalışır”. Müşfiq Abdulla
- Ana səhifə
- Dünya
- Seyran Ohanyan revanş götürür
Seyran Ohanyan revanş götürür
Bu bölmədən digər xəbərlər
- Tanınmış astroloq: "2021-ci ildə müharibə və devalvasiya olacağı…” Tarix 24 Dekabr, 04:21
- Dünya düzəni dəyişir: Yeni xəritələr yaranacaq? Tarix 26 Noyabr, 08:05
- Qlobal güclərin 2023 planı: Dünyanın siyasi xəritəsi dəyişəcək? Tarix 3 Sentyabr, 14:52
- Tarixi dönüş: "Rus NATO-su"na təhlükə: Qurumun taleyi Minskdə həll olunur Tarix 22 Avqust, 18:36
- Tehran üçün sürpriz: İran "qara zolaq”dan çıxır? Tarix 22 Avqust, 18:35
- CHP "incə-incə" parçalanır? Tarix 11 Avqust, 21:48
- Virusdan asılı seçki: Trampı ancaq peyvənd xilas edə bilər Tarix 6 Avqust, 15:44
- Terror siyasəti: İran "əkdiyini biçir” Tarix 28 İyul, 00:13
- Böyük ticarət savaşı: Virus kimi qalib edəcək? Tarix 18 İyul, 21:51
- Neft Fondunun aktivləri azalır: Büdcə necə formalaşacaq? Tarix 12 İyul, 23:12
Seçilmiş xəbərlər
-
Peşə təhsilinin qadınlar və qızlar arasında populyarlaşdırılması və təbliğinə dair maarifləndirmə tədbirləri - FOTOLAR
-
"44 Günün Yaddaşı” layihəsinə yekun vuruldu
-
"44 Günün Yaddaşı” layihəsinə icra olunur
-
Türkiyənin tanınmış konfederasiya başqanı Azərbaycana gəlir
-
Qarabağın bərpasında iştirak etmək istəyən federasiyalar: Hakan Aktürkü başqan seçdi