Fransada prezident seçkilərinin qalibi olan Emmanuel Makronun komandasının üzvlərindən biri də milliyətcə türkdür.
Cebhe.info Türkiyə mətbuatına istinadən xəbər verir ki, Jacob (Yakup) Çelik adlı şəxs 2016-cı ilin aprelindən Makronun komandasında işləyir.
Çelikin dediyinə görə, o, Makronun partiyasından həm deputatlığa namizəddir, həm də Avropa üzrə prezidentin köməkçisidir.
29 yaşlı Jacob Çelik 1970-ci illərdə Türkiyənin Gümüşhane bölgəsindən Fransaya gedən bir ailənin övladıdır. Bacısı və özündən başqa, bütün ailə Türkiyəyə qayıtıb. Ruan Universitetinin İqtisadiyyat və Mühasibat fakültəsində ali təhsil alan Sosialist Partiyalı Çelik, 2010-cu ildə bələdiyyə sədrinin müavini və bələdiyyə məclis üzvü vəzifələrində olub. O, 2014-cü ildə partiyasında istefa vermişdi.
Məcid Həsənli
