Sərdar Cəlaloğlu: “Vəziyyət təhlükəli hal alacaq”Tofiq Yaqublu: “Belə davam etsə...”Xəzər Teyyublu: “Məsuliyyəti hökumət daşıyır”Baş nazirin müavini Əli Əhmədov ölkə bazarlarındakı bahalaşmadan danışıb. O, bazarlarda qiymət artımının hiss olunduğunu və hökumətin bunu etiraf etdiyini diqqətə çatdırıb. Ə.Əhmədov bildirib ki, hökumət tərəfindən qiymətlərin daha sürətlə artmaması üçün vacib olan tədbirlər görülür: “Güman etmirəm ki, qiymətlərin indiki artım səviyyəsində onun Azərbaycanda yoxsulluq səviyyəsinə təsir etməsi haqqında həyəcan təbili çalmaq üçün əsaslar yaranıb”.Sosial problemlərin “ayaq səsləri”İqtisadçılara görə, baş nazir müavininin açıqlaması ölkədə bahalaşma trendinin olmasının ilk rəsmi etirafı və bunun davamlı olacağı xəbərdarlığıdır. Qiymət artımının ölkədəki sosial-iqtisadi böhranı daha da dərinləşdirəcəyinə diqqət çəkən iqtisadçılar hesab edirlər ki, hökumət siyasi idarəetmə sistemindən iqtisadi sektorlaradək ciddi islahatlara getməsə, ölkədə baş verəcək sosial partlayışın qarşısına keçmək mümkün olmayacaq. Lakin indiki məqamda böhrandan çıxmaq üçün hazır proqrama malik olmayan hökumətin proseslərin qarşısına nəzəri tədbirlərlə çıxaraq mövcud situasiyanı dəyişəcəyi ehtimalı da problematikdir.“Vəziyyət təhlükəli hal alacaq”Azərbaycan Demokrat Partiyasının (ADP) sədri Sərdar Cəlaloğlu “Cümhuriyət” qəzetinə bahalaşma tendensiyasının ölkəyə əlavə problemlər yaradacağını istisna etməyib. S.Cəlaloğlu hesab edir ki, siyasi sistem təcili olaraq problemin həllinin qarşısına keçməsə, cəmiyyəti razı salacaq addımlar atmasa vəziyyət təhlükəli hal alacaq: “Hökumət rəsmi qiymət artımına əl atmamışdan əvvəl artıq bazarlarda qiymətlər 5-10 qat artırılıb. Şübhəsiz ki, bahalaşma davam edəcək. Əgər hökumət və monopolistlər bundan sonra rəsmi, yaxud qeyri-rəsmi qiymət artımına gedəcəklərsə, insanlar kortəbii şəkildə etirazlara başlayacaqlar. Bunun da ölkəni ciddi təhlükələrlə üzləşdirəcəyi qaçılmazdır. Sosial partlayışın əlamətləri görünür”.“Böhran aradan qalxmayacaq və daha da”Müsavat Partiyası başqanının müavini Tofiq Yaqublu “Cümhuriyət” qəzetinə bildirib ki, ötən ilki devalvasiya və bahalaşma zamanı vətəndaşlar planlaşdırılmamış etiraz aksiyalarına başladılar. T.Yaqublunun sözlərinə görə, etirazlar indi də pərakəndə formada davam edir və hər kəs bunu görür: “Müxtəlif regionlarda insanlar ayağa qalxaraq icra hakimiyyətləri qarşısında etiraz aksiyaları keçirirlər, yolları kəsirlər. Bu o deməkdir ki, aksiyalarda təşkilatçılıq olsa, bunların miqyası daha geniş ola bilər. Bu, artıq sosial partlayış deməkdir. İnsanlar təşkilatlanmadan ölkədəki total böhrana etiraz etməyə başlayıblar. Çünki bu hakimiyyətin ölkəni xilas etmək üçün heç bir proqramı yoxdur. Bu hökumət korrupsiya və rüşvətdən başqa heç nə düşünmür.Belə davam etsə, böhran aradan qalxmayacaq və daha da dərinləşəcək. Digər yandan da xarici dövlətlər və bir sıra beynəlxalq təşkilatlarla münasibətlər korlanıb. Buna adekvat olaraq ABŞ-dan Azərbaycana sanksiyalar məsələsi gündəmdədir, Beynəlxalq Şəffaflıq Təşkilatı Azərbaycanla bağlı sərt qərarlar qəbul edir. Bu o deməkdir ki, həm daxildən, həm də xaricdən ölkəmiz üçün vəziyyət ürəkaçan olmadığına görə üçün böhran daha da dərinləşəcək. Vəziyyət pisə doğru getdikcə də etiraz aksiyalarının miqyası böyüyə bilər”.“Təcili islahatlara gedilməlidir”Klassik Xalq Cəbhəsi Partiyası (KXCP) sədrinin müavini Xəzər Teyyublu “Cümhuriyət” qəzetinə bildirib ki, Azərbaycanda iqtisadi böhran elə bir vəziyyətə çatıb ki, insanlar hər gün bazarlarda qiymət artımıyla qarşılaşırlar. Qiymətlərin hər gün artdığını deyən X.Teyyublu bunu ölkənin istehsal, idxalat, ixracat və iqtisadiyyatı hərəkətə gətirəcək sənayesinin olmamasıyla əlaqələndirib: “Zavod və fabriklər də fəaliyyətlərini çoxdan dayandırıblar. Ümid yalnız neftə qalıb. Neftdən gələn gəlirlər xalqa çatmır, qiyməti də “sudan ucuz”dur. Neft pulları Bakıda mənasız tikintilərə xərcləndi. Pullar dağıdıldıqdan sonra da məlum oldu ki, ölkə iqtisadiyyatı çökmək ərəfəsindədir. Məsuliyyəti hökumət daşıyır. Hökumət ağıllı iqtisadi siyasət yürütsəydi, Bakı və regionlarda neftdən əldə olunan gəlirlərlə insanların işlə təmin edilməsinə imkan verən müəssisələr yaratmaq olardı. Bununla iqtisadiyyatı inkişaf etdirmək mümkün idi. Hakimiyyət bunun yaradacağı fəsadları nəzərə alaraq, təcili şəkildə təxirəsalınmaz tədbirlər görməlidir. Çünki vəziyyət getdikcə daha da ağırlaşacaq”.KXCP yetkilisi qeyd edib ki, ölkədə maaş artımı yoxdur, verilən maaşlar gecikdirilir, insanlar işsizləşirlər və kəskin bahalaşma var: “Kommunal sahədə də qiymət artımı gözləniləndir. Qaçqınların müavinətləri kəsilib. Guya hökumət bununla dövlət büdcəsinə qənaət edir. Yanlış siyasət yürüdülür. Əgər hakimiyyət ölkədə müsbət dəyişikik istəyirsə, ilk növbədə özünü, öz sistemini dəyişməlidir. İndiki sistem Azərbaycanı böyük fəlakətlərə apara bilər. Bunun qarşısını almaq üçün təcili siyasi islahatlara gedilməlidir, növbədənkənar seçkilər keçirilməlidir. Ölkədə demokratiya bərqərar olduqdan sonra kənardan böyük investorlar cəlb etməklə iqtisadiyyatı dirçəltmək mümkün olacaq. Azərbaycan xalqı səbrlidir və lazımi məqamlarda özünü müdafiə etməyi də bacarır, amma bu o demək deyil ki, sən onun çörəyini əlindən alıb, suyunu kəsməlisən. Şübhəsiz ki, vəziyyət düzəlməsə, xalq öz sözünü deyəcək”.Mənsur
- Ana səhifə
- Cəmiyyət
- Hökumətdən bahalaşma etirafı
Hökumətdən bahalaşma etirafı
Bu bölmədən digər xəbərlər
- İctimai Birlik uşaqlar üçün əyləncəli tədbir keçirib Tarix 13 Fevral, 15:49
- Su ehtiyyatlarının qorunması ilə bağlı ictimai dinləmə keçirilib Tarix 2 Fevral, 14:34
- İctimai Birlik Yeni il şənliyi keçirib Tarix 30 Dekabr, 13:45
- Sığınacaqda maraqlı layihə başa çatdı: Xidmət paketləri təklif edilib Tarix 16 Oktyabr, 13:11
- Şuşanın ayaqları - İradə Aytelin yeni hekayəsi Tarix 16 Oktyabr, 12:17
- Sığınacaq sakinlərinə şikayət etmək qaydası da öyrədilir - FOTOLAR Tarix 10 Oktyabr, 11:27
- Azərbaycanda ilk: Kişilərin zorakılığa münasibətini öyrənən tədqiqat Tarix 3 Oktyabr, 13:59
- QHT ictimaiyyət və KİV-lə görüş keçirdi Tarix 3 Oktyabr, 11:07
- Ailə mediasiyası Tarix 26 Sentyabr, 12:52
- Mediasiya nədir? Tarix 13 Sentyabr, 16:03
Seçilmiş xəbərlər
-
Peşə təhsilinin qadınlar və qızlar arasında populyarlaşdırılması və təbliğinə dair maarifləndirmə tədbirləri - FOTOLAR
-
"44 Günün Yaddaşı” layihəsinə yekun vuruldu
-
"44 Günün Yaddaşı” layihəsinə icra olunur
-
Türkiyənin tanınmış konfederasiya başqanı Azərbaycana gəlir
-
Qarabağın bərpasında iştirak etmək istəyən federasiyalar: Hakan Aktürkü başqan seçdi