Yuxarı

Ermənilər kəmər keçən ərazini nəzarətə götürmək istəyir: BTC-yə təhdid

Ermənilər kəmər keçən ərazini nəzarətə götürmək istəyir: BTC-yə təhdid

Ermənilər kəmər keçən ərazini nəzarətə götürmək istəyir: BTC-yə təhdid


Ermənistanın Azərbaycana hərbi təcavüzkarlıq siyasəti davam edir.

Ermənistan silahlı qüvvələri Dağlıq Qarabağı və ətraf 7 rayonu işğal edib.

1993-cü ildən bu günə qədər erməni silahlı qüvvələrinin Qarabağdan və ətraf rayonlardan çıxarılması istiqamətində aparılan danışıqlar heç bir effekt vermir.

Bu 27 ildə rəsmən atəşkəs müqaviləsi imzalansa da, ermənilərin hərbi təxribatları ara verməyib. Ermənilər hər dəfə Qarabağda atəşkəsi pozur, hərbi toqquşmaya səbəb olurlar. İşğalçı ölkə bu dəfə Dağlıq Qarabağ ərazisindən deyil, Tovuz istiqaməti zonasında təxribat törətdi.

Bunun da bir sıra səbəbləri olduğu bildirilir.

Ekspertlər hesab edir ki, məsələnin arxasında Rusiya dayanır və məqsəd Liviyadakı məğlubiyyətin əvəzini Türkiyədən, onun müttəfiqlərindən çıxmaqdır.

Bu məsələ Türkiyə kimi Qərb dövlətlərini də narahat edir. Bəzi ekspertlər hesab edir ki, Rusiyanın Ermənistan üzərindən reallaşdırdığı bu siyasəti Qərbə mesajdır.

Kreml Qərbə "burada ağa mənəm” mesajını verir. Göründüyü kimi, 1994-cü ildə imzalanmış neft kontakrtları həm də Bakı-Tblisi-Ceyhan neft kəməri istiqamətində təhlükəsizlik dəhlizi deməkdir. Lakin ermənilərin Tovuzdakı hərbi təxribatı göstərdi ki, "Əsrin Müqaviləsi” ilə yaranmış düzən təhdid altındadır.

Maraqlıdır, dünya güclərinin bu düzənə yaranmış təhlükəyə münasibəti necə olacaq?

Politoloq Fikrət Sadıqov "Cümhuriyət”ə açıqlamasında deyib ki, "Əsrin Müqaviləsi” ilə yaranmış düzən dəyişə bilməz: "Dünyanın aparıcı oyunçuları həmişə öz maraqlarına cavab verən addımlar atıablar. Hətta 90-cı illərin əvvəllərində də, "Əsrin Müqaviləsi” bağlananda da bir sıra təxribatlar olub. Bu aparıcı dövlətlər tərəfindən təşkil olunan təxribatlar idi. Burda qalmaqal yaratmaq və sabitliyi pozmaq üçün addımlar atılıb. İndi də həmin proseslər təkrarlanır. Ermənistan Cənub qaz dəhlizi ərazisində təxribat törədir. Aydın məsələdir ki, bunun arxasında, müəyyən qüvvələr, təxribatçı siyasi oyunçular var. Dolayısı ilə bölgədə söz sahibi olduğunu demək istəyən var. Lakin ermənilər Bakı-Tbilisi- Ceyhan neft kəməri və Bakı-Tbilisi-Qars dəmir yolları ərazisində təxribat törədiblər. Bu da bir çox qüvvələrin maraqlarına uyğun gəlmir. Ona görə də düşünürəm ki, bu məsələ bir çox qərbyönlü qüvvələri maraqlandırmalıdır. Onlar bunu görərək müəyyən nəticə çıxarmalıdır”.

Ekspert hesab edir ki, dünya gücləri Ermənistanın bu təxribatını cavabsız qoymayacaq: "Ermənistanın bu təxribatı dünya güclərinin maraqlarına ziddir. Dünya gücləri bu məsələdə səslərini qaldırmalıdır. Ona görə də bu dəfə bizi dəstəkləyən qüvvələr çox oldu. Yəni ki, Azərbaycanı dəstəkləmək və ərazi bötövlüyü barəsində bəyanatlar səsləndirmək kimi addımlar atıldı. Onlar Ermənistana qarşı açıq şəkildə təzyiq göstərməsələr də mövqeləri bizə bəlli oldu. Eyni zamanda Türkiyənin də dəstəyini ciddi şəkildə gördük. Bunun iki səbəbi vardı. Birincisi Türkiyə bizimlə qardaş dövlətdir. İkincisi isə Türkiyə başa düşür ki, mövcud vəziyyətdə enerji layihələrinə təhlükə yarana bilər. Yəni onlar bunu praqmatik nöqteyi-nəzərindən anlayırlar. Buna görə də Türkiyə prezidenti Rəcəb Tayyib Ərdoğan bəyan etdi ki, biz Azərbaycanın yanındayıq və bütün sahələrdə ona dəstək verməyə hazırıq. Reallıq budur”.

Əli Bədir





Həftənin ən çox oxunanları